लण्डन,
सगरमाथाको काख सोलुखुम्बु जिल्लामा जन्मेका आरोही अबिरल राईले गत २२ मे २०२४ को दिन विश्वको सर्वोच्च शिखर सगरमाथा आरोहण गरेका थिए ।
किरात राई यायोक्खा बेलायतले आरोही राईलाई विशेष धन्यबाद प्रदान गरेको छ । आफ्नो जीवनको बाजी थापेर, आरोही राईले गर्नु भएको साहसिक कार्य अनि सफल आरोहणले समग्र किरात राई जातिको शिर उच्च पारेको धन्यबाद पत्रमा उन्लेख गरेका छन ।
बहुभाषिक र बहुथरी समुदाय बोधक संज्ञा भएको, किरात राई एक जाति तर बहुभाषि, बहुथरी हुनु किरात राई जातिको विशिष्टता हो । यसै विशिष्टतालाई प्रतिविम्बित गर्न किराया बेलायतले परिकल्पना गरेको किराया बेलायतको लोगो अंकित झण्डा आरोही राईले विश्वको शिर सगरमाथाको चुचुरोमा फहराएका थिए ।
पेशाले पर्वतीय पथपर्दशक राईको सगरमाथा आरोहण यो दोश्रो पटक हो । यस अघि सन २०२२ मा सगरमाथाको पहिलो पटक आरोहण गरेका थिए । आरोही राईले नेपाल लगायत विश्वका अन्य थुप्रै चुचुराहरुको सफल आरोहण गरिसकेका छन ।
