अप्रेल ५ तारिख २०२५ शनिबार मगर संघ युकेको आठौं महाधिवेशनबाट लाल बहादुर पुन मगर अध्यक्षमा चयन भएका छन् । उनको प्रत्यासी क्याप्टेन ताम बहादुर धेगा मगर थिए तर उनले उम्मेदवार फिर्ता लिए पछि पुन निर्विरोध अध्यक्षमा निर्वाचित भएका हुन् ।
संघको वरिष्ठ उपाध्यक्षमा रुद्र थापा र प्रत्यासी क्याप्टेन राम बहादुर पुन मगरमा रुद्र थापा विजयी भएका छन् । त्यस्तै उपाध्यक्षहरुमा गुमानसिङ थापा र बिष्णु श्रीस निर्बिरोध निर्वाचित भएका छन् । महासचिवमा गोमान पुन र कोषाध्यक्षमा मोहन थापा निर्बिरोध निर्वाचित भएका छन भने सचिबमा अनिल थापाले अत्यधिक मत ल्याएर बिजयी भएका छन् ।उनको प्रत्यासी मनोज पुन थिए।
कार्यसमितिका सद्स्यहरुमा नुनु पाइजा मगर, पुर्ण बहादुर थापा मगर, मेग बहादुर बुरा मगर रहेका छन् र बाकी रहेका सदस्यहरु कार्यसमितिले नै चयन गर्ने छन् ।
त्यस्तै युवाहरुको पनि नयाँ कार्यसमिति अध्यक्ष दिपक थापा मैथाने उपाध्यक्ष करिस्मा थापा लगायत युवा कार्यसमिति चयन भएको छ।
मगर संघ युकेको आठौं अधिवेशनको निर्वाचन मन्डलका प्रमुख आयुक्त डा. प्रेम आले मगरले अधिबेशनद्वारा निर्बाचित सम्पुर्ण कार्यसमितिलाई शपथ ग्रहण गराउदै प्रमाणपत्र प्रदान गरेका थिए।
निर्वाचन मण्डलको सचिबमा जमुना पुन मगर सद्स्यहरुमा हेमा राना मगर, हिक्मत सिङ रोका मगर र बिजय थापा मगर थिए।
मगर संघ युकेको अध्यक्ष सीता पुन मगरको अध्यक्षतामा उपाध्यक्ष निर्मला थापा मगरले स्वागत मन्तब्य दिएका थिए भने महासचिव थापाले साङगठनिक प्रतिबेदन, कोषाध्यक्षको आर्थिक प्रतिवेदन, शाखाका अध्यक्षहरु तथा प्रतिनिधिहरुले प्रतिबेदन प्रस्तुत गरेका थिए।
अध्यक्ष सीता पुन मगरले सातौ कार्यकाल सफलतापुर्बक सम्पन्न गर्नमा सहयोग गर्नुहुने सस्थापक अध्यक्ष , पुर्ब अध्यक्षहरु, ट्स्टिहरु, शाखाका अध्यक्ष, सल्लाहकार हरु कार्यसमिति लगायत सबैलाई धन्यवाद दिएका थिए।
अन्त्यमा नव निर्बाचित अध्यक्ष लाल पुन मगरले आफुलाइ विस्वास गरि निर्बाचित गरेकोमा सबै प्रती आभार प्रकट गर्दै सम्पुर्णलाई धन्यवाद दिदै आफ्नो कार्यकाल सफल पार्ने प्रतिबद्धता जाहेर गरेका थिए।
