लण्डन,
गत २८ डिसेम्बर २०२४ का दिन तमु धी युकेले आफ्नो स्थापनाको २५औं बर्षगाँठ तथा तमु लोसार भब्यताको साथ सम्पन्न गरेको छ ।
नेपाली दुतावासका उपनियोग प्रमुख विपीन दुवाडीको प्रमुख आतिथ्यता र विशिष्ट अतिथि तमु धी नेपालका केन्द्रीय अध्यक्ष हुम गुरुङ रहेको रजत जयन्ति तथा तमु लोसार भब्यतापूर्वक सम्पन्न भएको हो । लण्डनको ह्यारो लेजर सेन्टरमा आयोजित समारोहमा करिब ३ हजार तमु तथा गैर तमुहरुको उपस्थितीबीच नवनिर्वाचित अध्यक्ष जुमकाजी गुरुङले जिम्मेवारी पनि ग्रहण गरेका छन ।
बार्षिक प्रकाशन फेंसीको पनि विमोचन गरियो भने दर्जनौ गीतसंगीतको कार्यक्रमले लोसारमय बनाएको थियो ।
निवर्तमान अध्यक्ष हरि गुरुङको अध्यक्षतामा सम्पन्न कार्यक्रमलाई महासचिव डा. विकास गुरुङले संचालन गरेका थिए ।
प्रत्येक बर्षको पुष १५ गतेलाई तमु लोसार मनाउने गर्दछन् ।
नेपालीसमाचार डटकमले आफ्नो फेसबुक पेज मार्फत प्रत्येक्ष प्रसारण गरेको थियो । सो भिडियो हेर्न यो लिंकमा क्लिक गर्नुहोस >>>>>
