गत २९ सेप्टेम्बर २०२४ का दिन युकेको आसफोर्ड टाउनमा नेपाली चलचित्र काँडेतार प्रर्दशन भएको छ ।
फिल्ममा नेपाल र भारतको सिमामा बस्ने नेपालीहरुले भारतीयहरुको अत्याचार ब्यहोरेको कथा समावेश गरिएको छ । नेपाल भारत बीच कहिले कहिले के के सन्धी भएको थियो, कुनकुन कुरामा सम्झौता भएको थियो आदि जानकारीमूलक रहेको फिल्म सबै नेपालीले हेर्नुपर्ने फिल्म बनेको छ । कथाहरु उत्तेजित बनाउने रोचक छन भने फिल्मी फाइट भने अलि कम गर्दा अझ राम्रो हुनेथियो ।
फिल्म प्रर्दशनमा निर्माता तथा लोकप्रिय गायिका सत्यकला राईको उपस्थिती रहेको थियो । काँडेतार फिल्मको प्रदर्शन पछि गायिका राईले आफ्ना लोकप्रिय गीतहरु गाएका थिए । उनका गीतहरुमा दर्शकहरु मज्जाले झुमेका थिए ।
गायिका राईका तिमीलाई हङकङ पुरयायो आईडी काडैले, इन्टरनेटले, ढडिया थापी देउ कान्छा, हिमाल पारी भोट लगायतका दर्जनौ गीतहरु लोकप्रिय रहेका छन ।
