फोनिज युकेको अध्यक्षमा सूर्यवंशी चयन

अल्डरसट, गत १६ डिसेम्बर २०२३ का दिन नेपाल आदिवासी जनजाति पत्रकार महासंघ युके शाखाको चौथो अधिवेशनबाट वंम सूर्यवंशी अध्यक्षमा चयन भएका छन ।

नवं निर्वाचित सूर्यवंशी लण्डनकाठमाडौंन्यूजडटकम का सम्पादक हुन् । लामो समय ब्रिट्रिस सेनामा सेवागरि अवकास प्राप्त सूर्यवंशी निरन्तर पत्रकारिता गर्दै आएका छन । युकेमा रहेका नेपाली समुदायमा चिरपरिचित नाम हो सूर्यवंशी । उनको समितिको उपाध्यक्षमा श्रीमति लिलासेलिङ माबो, सचिवमा अमित थेवे, सहसचिवमा तेज माबो, कोषाध्यक्षमा डा. महा राई चयन भएका छन भने सदस्यहरुमा क्रमशः रोमियन लिम्बु, ईश्वर चाम्लिङ, जे. बि. राई, विश्वजित थापा, पम्फा गुरुङ र रुद्र थापामगर चयन भएका छन् ।

पूर्व अध्यक्ष विश्वास दीप तिगेला निर्वाचन आयुक्त रहेको समितिमा पूर्व अध्यक्षद्धय किरण टि. लिम्बु सदस्य र प्रमिला लाबुङ सदस्य सचिव रहेको निर्वाचन समितिले सो नयाँ नेतृत्वको घोषणा गरेका हुन ।

पहिलो चरणमा संगठनको प्रतिवेदन र कोषाध्यक्षको आर्थिक प्रतिवेदन माथि छलफल पछि पारित गर्दै, प्रमुख अतिथि नेपाल आदिवासी जनजाति महासंघ युके शाखाको अध्यक्ष कर्मा पहाडी शेर्पा, भक्त दुरा, किरात राई यायोख्खा युकेको अध्यक्ष चन्द्र राई, नेपाल पत्रकार महासंघ युकेको पूर्व अध्यक्ष नरेश खपाङ्गी, नेपाल मगर संघ युकेका उपाध्यक्ष रुद्र थापा लगायतले शुभ कामना ब्यक्त गरेका थिए भने बिगत बर्ष झै यो बर्ष पनि युकेका नेपाली समाजमा पत्रकारिताको माध्ययमबाट योगदान पुरयाए वापत पत्रकार विमला सेनलाई यस बर्षको सम्मान र फोटो तथा अनलाईन पत्रकार मिलन तमुलाई नगद १०० पाउण्ड सहित पुरस्कार प्रदान गरियो । नगद पुरस्कारको सौजन्य गोमा रानाले गर्नुभएको थियो । सम्मानित तथा पुरस्कृत पत्रकारको नाम गतहप्ता पूर्वअध्यक्षहरुको बैठकमा छलफल गरि निर्णय गरेको थियो ।

गोमा रानाको सभापतित्वमा भएको अधिवेशनलाई सचिव लिलासेलिङ माबोले संचालन गरेकी थिइन । अधिकांश बक्ताहरुले कोशी नामाकरण खारेजीको आन्दोलनमा एक्यबद्धता जनाए भने मंसिर ३० र पुष १ गतेको प्रदेश न १ को बन्द हडतालमा सरकारको हस्तक्षेपको खण्डन गरेका थिए । नवंनिर्वाचित अध्यक्ष सूर्यवंशीले आफूले सक्दो जनजाति पत्रकार महासंघको संस्थागत काम गर्ने प्रतिबद्धता ब्यक्तसंगै सेसनको अन्त गरिएको थियो ।