नारायण कुमार राई/धनकुटा(चौबिसे),२ चैत । सर्बोच्च शिखर सगरमाथा आरोहिको तयारीमा रहेका चौबिसे गाउँपालिका वडा नं.६ राजारानी स्थित राजा ताल निवासी गौरव लिम्बुलाई पालिकाले सहयोग गर्ने भएको छ ।
२ बर्षको शिखर आरोहण तालिम पछि यहि १२ गते पहिलो पटक सोलुखुम्बुको आईलेन पिक आरोहणको अन्तिम तयारिमा रहेका ३६ वार्षिया लिम्बुलाई सगरमाथा आरोहणमा सहयोग गर्ने पालिका अध्यक्ष राजकुमार लिम्बुले वचन दिनुभएको छ ।
चौबिसे गाउँपालिकाको पर्यटन प्रचार र प्रबर्द्धन गर्न लिम्बुले आईलेनको आईलेनको चुचुरोमा पुगेर चौबिसे गाउँपालिकाको ब्यानर फहराउने जानकारी दिनुभयो ।”त्यो पिक चढेपछि सगरमाथा चढ्ने बाटो खुल्छ” लिम्बुले भन्नुभयो ।
हाल करिव ५ लाखको लागतमा आईलेन पिक चढ्नलाग्नुभएका लिम्बुले सगरमाथा चढ्न १५ देखि १८ लाख लागत लाग्ने जानकारी दिनुभयो । चौबिसेको पहिलो आरोही बन्ने अभिलाषा बोकेको बताउनुहुने लिम्बुलाई सगरमाथा चढ्न,पालिकाले आगमी नीति तथा कार्यक्रमबाट बजेटको ब्यवस्था गर्ने अध्यक्ष लिम्बूले जानकारी दिनुभयो ।
आरोहणको शुभकामना दिदै लिम्बुले भन्नुभयो- “यो आरोहण सकेर आएपछी पालिकालाई जानकारी गराउनुहोला,गाउँपालिकाले तपाईंलाई सकेको सहयोग गर्छ ।”
