![](https://nepalisamachar.com/wp-content/uploads/2024/07/Rajkumar-780x470.jpeg)
काठमाण्डौ,
असार २७ गते, अनाम नगर स्थित सिलौटो रेस्टुरेण्टको सभा कक्षमा सखुवासभा जर्नालिस्ट एसोसिएशनको आयोजनामा राज कुमार राईको उपन्यास किवाहाङको विमोचन भएको छ ।
एसोसिएशनका अध्यक्ष शंकर खनालको सभापतित्वमा भएको कार्यक्रमको प्रमुख अतिथि प्रा.डा.सुरेन्द्र केसीले अन्य कैयौं कार्यक्रममा लावा लस्कर लाएर अगाडी अतिथि वोलाई खादा, फूल र रुद्राक्षको माला आदि कन्या र महिलाको हातवाट लाउनुपर्ने, यी सवै आज कुनैपनि नहुदा मलाई पृथक र प्रसंशा गर्न लायक लाग्यो भन्नुभयो । किवाहाङको विषयमा मैले सात पन्ना समीक्षा सुनाउन ल्याएता पनि समग्रमा प्रथम र द्वितीय विश्वयुद्ध देखि हङकङ, वेलायत, व्रुनाई देखि राणाकालीन दरवार आदिको वारेमा लेखिएको यो पुस्तक रहस्यमय र पढ्न लायक भएको कुरा गर्नुभयो ।
अतिथिहरुमा वरिष्ठ साहित्यकार दिनेश अधिकारी, वरिष्ठ संगीतकार एवं लेखक वुलु मुकारुङ, साहित्यकारहरु माया ठकुरी, गीता रेग्मी आदि सवैलाई यथास्थानमा आसन ग्रहण गराईएको थियो । सो समारोहलाई एसोसिएशनका सचिव उद्धव भट्टराईले स्वागत मन्तव्य दिनुभएको थियो भने कार्यक्रमको संचालन भावेश भुमरीले गर्नुभएको थियो ।
साव्लावुङ पुस्तकालय अभियानको अध्यक्ष एवं साव्लावुङ साहित्यिक पत्रिकाका सम्पादक पनि रहेका राजकुमार राईले पुस्तकालय अभियानमा सहयोग पुर्याउनुहुने विभिन्न व्यक्तित्वहरुलाई प्रशंसा पत्र दिएर सम्मान गर्नु भएको थियो । राईले विगत ६ वर्ष देखि अहिले सम्म २१ वटा जिल्लाहरुको डोल्पा, मुगु, सोलुखुम्वु, भोजपुर, सखुवासभा आदि जस्ता दुर्गम र विकट गाँउहरुमा पुस्तकालयको लागि निशुल्क पुस्तकहरु वितरण गर्दै आउनुभएको छ । अहिलेसम्म करिव ४४ लाख भन्दा वढी मुल्य पर्ने पुस्तकहरु राईले वितरण गरेको र यो प्रक्रिया निरन्तर जारी भएको कुरा उल्लेख गर्नुभएको थियो । त्यस्तै वंहाले आफूले कुनैवेला सुन वेचेर पुस्तक संकलन गरेको पुराना दिनहरुको कथा सुनाउनुभएको थियो । उक्त कार्यक्रममा विभिन्न साहित्यकार, लेखक, वुद्धिजिवी र पत्रकारहरुको उपस्थित रहेको थियो ।