गत १३ जनवरी २०२४ का दिन खोटाङमा निशुल्क स्वास्थ्य शिविर संचालनको निमित्त युकेमा करिब साढे १३ लाख भन्दा बढि रकम एक कार्यक्रम मार्फत संकलन भएको छ ।
युकेमा स्थापना भई संचालनमा रहेको खोटाङ सेवा समाजले गरेको एक च्यारिटी साँस्कृतिक कार्यक्रममा सहभागीहरुले स्वेच्छाले सो रकम प्रदान गरेका हुन । युकेको आसफोर्ड टाउनमा आयोजित च्यारिटी साँस्कृतिक कार्यक्रममा युकेमै रहने करिब एक दर्जन खोटाङे कलाकार र अन्य जिल्लाका कलाकारले आफ्नो प्रस्तुती दिएका थिए ।
कार्यक्रममा सहभागी बनेका सबैलाई समाजका अध्यक्ष डा. प्रमोद कोयूले खदा ओढाएर स्वागत सम्मान गरेका थिए । कार्यक्रमलाई महासचिव राजेन्द्र राई र सचिव रोजिना राई लगायतले संचालन गरेका थिए ।
समाजको स्थापना सन् २००७ मा भएको हो भने यस अगावै पनि यस समाजले खोटाङलाई एम्बुलेन्सहरु हस्तान्तर गरिसकेको छ ।
– दिल पालुंवा
