लन्डन । गत २९ नोभेम्बर २०२४ का दिन बेलायतको सांगीतिक भ्रमण सकेर नेपाल फर्किन लागेकी चर्चित गायिका दिलु सलामी मगरको विदाई कार्यक्रम सम्पन्न भएको छ ।
अल्डरसटस्थित ठमेल दोहोरी एन्ड ढिँडो घरमा एक कार्यक्रमबीच मगरको बिदाइ भएको हो ।
बागलुङ समाज यूकेको तर्फबाट र त्यसपछि हरेक संघसंस्थाका प्रतिनिधि र शुभेच्छुकले बिदाइ तथा सम्मान गरेका थिए ।
गायिका मगरले उपस्थित सबैलाई खादा र मायाको चिनो ढाकाटोपी लगाइदिएकी थिइन्। उनले आफ्ना चर्चित गीत गाएर मनोरञ्जन गराएकी थिइन् । अन्त्यमा समाजसहित उपस्थित सबैलाई धन्यवाद दिएकी थिइन् । गायिका मगर लामो समय देखि काठमाडौ गंगबुमा यानीमाया दोहरी साँझ संचालन गर्दै निरन्तर गायन क्षेत्रमा लागेकी छिन ।
