युकेको जनसम्पर्क समितिलाई मिलेर पार्टी हितमा काम गर्न निर्देशन सहमहामन्त्री आङदेम्बे

गत २० अप्रिल २०२५ का दिन नेपालको सत्ता साझेदारी पार्टी नेपाली काँग्रेसका सहमहामन्त्री भिष्मराज आङदेम्बेले आफ्ना पार्टी कार्यकर्ताहरुलाई मिलेर पार्टी हितमा काम गर्न निर्देशन दिए ।

जनसम्पर्क समिति युकेद्धारा आयोजित सहमहामन्त्री आङदेम्बेलाई स्वागत तथा अन्तरक्रिया कार्यक्रममा उनले सो निर्देशन दिएका हुन । सहमहामन्त्री आङदेम्बको स्वागत तथा सम्मान कार्यक्रम लण्डनको ह्यारो स्थित सम्पन्न भएको हो । विशाल राईको सभापतित्वमा सम्पन्न कार्यक्रमलाई कुश बस्नेतले संचालन गरेका थिए ।

मुक्कुमलुङ/पाथिभरामा नो केबलकार पक्षबाट भेटघाट
ताप्लेजुङको मुक्कुमलुङमा एक ब्यक्तिको फाइदाको निमित्त निर्माण हुनेक्रममा रहेको केबलकार निर्माणबाट स्थानीय आदिवासीहरुको सास्कृतिक सम्पदा र अधिकार अतिक्रमण हुने भएको भनी विरोध गरिरहेको सन्दर्भमा युकेमा रहेका नो केबलकार पक्षधरले पनि सहमहामन्त्री आङदेम्बेसँग भेटघाट गरि ब्यक्तिगत र पार्टीगत पहल गरिदिन आग्रह गरे । सहमहामन्त्री आङदेम्बे आफूले केबलकार बन्न नहुने भनी पार्टीभित्र प्रष्ट कुरा राखिसकेको र अझ शसक्त पुन कुरा राख्ने प्रतिबद्धता जनाए ।