फ्लोरिडा । अमेरिकाको फ्लोरिडामा भियतनाम युद्धमा सेवा गरेका ७७ वर्षीय पूर्वसैनिक विलियम रिभ्सलाई मृत्युदण्ड दिने तयारी गरिएको छ। सन् १९८६ मा प्रहरी अधिकारी रिचर्ड राच्कोस्कीको गोली हानी हत्या गरेको अभियोगमा दोषी ठहर भएका उनलाई अक्टोबर २०, मंगलबार साँझ घातक औषधिको सुई दिएर मृत्युदण्ड कार्यान्वयन गर्ने कार्यक्रम छ।
यसैबीच, करिब १०० जना पूर्वसैनिकले फ्लोरिडाका गभर्नर रोन डिसान्टिसलाई पत्र लेख्दै मृत्युदण्ड रोक्न आग्रह गरेका छन्। उनीहरूले रिभ्सको युद्धसेवा र त्यसबाट उत्पन्न मानसिक आघातलाई विचार गरी दया देखाउन माग गरेका हुन्।
रिभ्सका पूर्ववकिलका अनुसार युद्धसँग सम्बन्धित मानसिक आघातपछिको तनाव समस्या (पीटीएसडी) ले अपराध हुँदाको उनको मानसिक अवस्थामा पारेको प्रभावबारे विशेषज्ञको साक्ष्य निर्णायक मण्डलले सुन्न पाएन। यही विषयलाई आधार बनाएर उनको मृत्युदण्ड रोक्न अपिल भइरहेको छ।
