काठमाडौं, ३ जेठ । विश्व कीर्तिमानी आरोही कामिरिता शेर्पाले ३२ औँ पटक सगरमाथाको सफल आरोहण गरेका छन् ।
५६ वर्षीय शेर्पाले आज बिहान १०ः१२ बजे विश्वको सर्वोच्च शिखर सगरमाथाको सफल आरोहण गर्दै यसअघि आफैँले बनाएको विश्व कीर्तिमान पनि भंग गरेका छन्। उनी सबैभन्दा बढी पटक सगरमाथा चढने आरोहीको नयाँ किर्तिमान बनाउन सफल भएका छन्।
सन् १९९४ मा पहिलो पटक सगरमाथा आरोहण सुरु गरेका सोलुखम्बाको शेर्पाले सन् २०२६ सम्म निरन्तर रूपमा विश्व पर्वतारोहण समुदायलाई प्रेरित गरिरहेको आयोजक सेभेन समिट ट्रेकले उल्लेख गरेको छ ।
‘कामी रिता शेर्पा केवल नेपालका राष्ट्रिय पर्वतारोहण नायक मात्र होइन, उहाँ सगरमाथाकै एक जीवित प्रतीकका रूपमा विश्वभर परिचित हुनुहुन्छ। उहाँको अदम्य साहस, अनुभव र निरन्तरताले हरेक वर्ष नयाँ पुस्तालाई प्रेरणा दिइरहेको छ। अब उहाँको सुरक्षित अवतरणको कामना गर्दै बेस क्याम्पसम्म सकुशल फर्किन शुभेच्छा व्यक्त गर्दछौँ। काठमाडौंमा पुनः स्वागत गर्न आतुर छौं,’ सेभेन समिटले आफ्नो पेजमा लेखेको छ।
्र
