२८ सेप्टेम्बर २०२५, लण्डन
ग्रेटर रशमोर नेप्सली कम्युनिटी (GRNC) ले नेपालबाट आएका चर्चित कलाकार बिमल परियारको सम्मानमा अल्डरसटमा बिदाइ कार्यक्रम भव्य रूपमा सम्पन्न गरेको छ।
अल्डरसटस्थित ठमेल दोहोरी साँझमा आयोजित विशेष कार्यक्रममा गायक बिमल परियारलाई सम्मान गरियो, जसलाई GRNC ले करिब ६ महिना अघि निमन्त्रणा गरेको थियो। कार्यक्रममा GRNC का अध्यक्ष लिला सेलीङ माबोले सम्बोधन गर्दै समय कति छिटो बित्छ भन्ने विषयमा चिन्तन गर्दै अब बिदाइको घडी आएको बताउनुभयो। उहाँले परियारलाई नेपाल फर्किने यात्रामा सुरक्षित यात्रा शुभकामना व्यक्त गर्दै भविष्यमा पुनः भेट हुने आशा पनि व्यक्त गर्नुभयो।
कार्यक्रमको समापन पारम्परिक खादा र मालाको सम्मानसहित सम्पन्न भएको थियो। यसपछि गायक बिमल परियारले GRNC प्रति हार्दिक धन्यवाद ज्ञापन गर्दै अध्यक्षलाई एक स्मृतिचिन्ह प्रदान गर्नुभयो।
कार्यक्रममा GRNC का उपाध्यक्ष डा. बिशाल गुरुङ, खेल संयोजक बिमल गुरुङ, सल्लाहकार भक्त दार्जी लगायत अन्य सदस्यहरूको उपस्थिती रहेको थियो। अध्यक्षले घान्द्रुक समाज UK टिम तथा कार्यक्रमलाई सफल बनाउन सहयोग गर्ने सबैमा विशेष धन्यवाद व्यक्त गर्नुभयो।
लिला सेलिङ्ग माबो
