नेपालीको शिर झुकाउने काम भयो – अध्यक्ष पालुङवा

धरान । २२ अक्टोबर २०२० । ओली सरकारको गतिविधि र गैर कुटनैतिक भेटघाटले नेपालीको शिर झुकाउने काम भएको कुरा राष्ट्रिय जनमुक्ति पार्टीको अध्यक्ष के. पी. पालुङवाले बताएका छन ।

उनले जनता प्रतिको जबाफ देहिताबाट भागेर गरिखाने जनतालाई महिनौ महिना बन्दाबन्दी गरेर राख्ने, जबर्जस्त कर उठाउने, बैंकलाई छाडा छोड्ने, सांसदहरू, जनप्रतिनिधिहरु दोहोरो तेहोरो भत्ता खाने खुवाउने, पिसिआर टेस्टको नाममा हजारौ लाखौ रुपैयाँ अस्पतालमा जम्मा गरेपछी मात्र उपचार शुरुहुने सरकारको यस्तो निकम्मा कार्यले भ्रष्टाचारि, कमाउनिष्ट जनतामारा सरकार हो भन्ने प्रमाणित भएको छ भनी उनले फेसबुक स्टाटसमा लेखेका छन।

अध्यक्ष पालुङवाले भारतीय गुप्तचर प्रमुख संग प्रधानमन्त्री ओलीले भेटघाट गर्नु कुटनैतिक मर्यादा विपरित भएको बताएका छन ।