३ अप्रिल, वसन्तपुर(तेह्रथुम) । तेह्रथुमको पर्यटकीय स्थलका रूपमा पछिल्लो समय ख्याति कमाएको चाे?लुङ पार्कमा साहित्य महाेत्सव हुने भएको छ । देशका प्रतिष्ठित कवि साहित्यकारहरूकाे उपस्थितिमा शनिबार चाे?लुङ साहित्यिक महाेत्सव हुन लागेको हाे ।
लालीगुराँस नगरपालिकाले आयोजना गर्न लागेको महाेत्सवले पूर्वी पहाडकाे पर्यटन प्रबर्द्धनमा साहित्यमार्फत याेगदान पुर्याउने मेयर अर्जुनबाबु माबुहाङले बताए । याक्थुङ मुन्धुम र इतिहासका खाेजकर्ता एवम् लेखक समेत रहेका मेयर माबुहाङले ०७५ मा स्थापित भएको चाे?लुङ पार्कलाई थप प्रबर्द्धन गर्न साहित्य उत्सव गर्न लागिएको बताए । ‘चाे?लुङ पार्क आदिवासी याक्थुङ समुदायको पहिचान, सँस्कृति र सभ्यता झल्काउने पार्क हाे । यसले आदिवासी र स्थानीय समुदायकाे पहिचानलाई झल्काएकाे छ,’ उनले भने, ‘पार्ककाे आकर्षणलाई अझ बढाउन महाेत्सव गर्न लागेका हाैँ ।’
पार्कमा बिहान ८ बजेदेखि हुने महाेत्सवमा चर्चित कवि श्रवण मुकारुङसँगै अन्य १४ कविहरूले सिर्जना वाचन गर्नेछन् । अन्य कविहरूमा हाङयुग अज्ञात, देवान किराती, अरुण बराल, प्रकाश थाम्सुहाङ, प्रदीप मेन्याङ्वाे, लीला अनमाेल, सुन्दर कुुरुप, अभागी थेगुबा, अमित थेबे, डा. अस्मिता विष्ट, नवराज पराजुली, दीपक सापकोटा, राजकुमार सुब्बा ‘अनिश्चित’ र गरिराज बाँस्कोटा रहेका छन् ।
छ वर्षअघि लिम्बुवानकाे छथर, लालीगुराँस नगरपालिकामा मेयर अर्जुनबाबु माबुहाङले आफ्नोे परिकल्पना तथा अगुवाइमा चाे?लुङ पार्क निर्माण सुरु गरेका थिए । केही साताअघि मात्रै अमेरिकाको न्यूयोर्कबाट प्रकाशन हुने टाइम म्यागेजिनले सन् २०२५ को पर्यटकीय गन्तव्य १०० को सूचीभित्र ४२ ओैँ स्थानमा चो?लुङ पार्कलाई पनि राखेको छ ।
पूर्वमा सांस्कृतिक तथा धार्मिक पर्यटनकाे विकासकाे केन्द्र बनाउन, याक्थुङ लिम्बु जातिकाे आदिम सावा येहाङ सभ्यताकाे पुनर्ताजकीकरण गर्न चाे?लुङ पार्क निर्माण गरिएको नगरपालिकाले जनाएको छ । याक्थुङ लिम्बु देवारीहरू फेदाङ्बा, साम्बा, येबा/येमा काे परम्परागत तिम्सिङमा (उत्रने) संस्कारकाे लागि मुन्धुम प्रशिक्षण लगाएतका कार्यक्रमहरु पाठ्यक्रम बनाएर गर्ने र यसका लागि चाे?लुङ पार्क प्रयाेगशाला हुने लक्ष्य छ । पार्कभित्र पुस्तकालय, युमा संग्राहलय खाेलिएकाे छ ।
प्रत्येक वर्ष कम्तीमा दुईपटक उभाैंली (यक्वा), र उधाैंली (चासाेक थिसाेक) अन्तराष्ट्रिय स्तरकाे चाे?लुङ मेला लगाउने, मेलामा अमेरिका, ब्रिटेन, जर्मन, फ्रान्स, जापान र भारतका अनुसन्धानकर्ताहरूलाई निमन्त्रणा दिने पार्ककाे प्रारम्भिक याेजना थियोे । पछिल्लो समय हजारौंले पार्ककाे अवलोकन गरिरहेका छन् । लालीगुराँसकाे राजधानी भनेर चिनिने तीनजुरे-मिल्के-जलजले (टीएमजे) क्षेत्रलाई नगरपालिकाले समेत संरक्षण गरिरहेकाे छ । यस क्षेत्र २८ प्रजातिका गुराँस फुल्छन् ।
