फेरी आज धनकुटामा थपिए ५ जना कोरोना संक्रमित

कार्तिक ३०,धनकुटा । धनकुटामा आज पनि ५ जना कोरोना संक्रमित थपिएका छन् ।

कार्तिक २७ गते जिल्लाको महालक्ष्मी नगरपालिकाका २७ जनाको पिसिआर नमूना संकलन गरि धरान पठाईएकोमा आज विहान ५ जनाको रिपोट पोजिटिभ आएको स्वास्थ्य कार्यलय धनकुटाका प्रमुख तुलसी प्रसाद गुरागाईले जानकारी दिनुभयो ।

अन्य २२ जनाको नेगेटिभ नतिजा प्राप्त भएको छ । कोरोना पुष्टि भएका ५ जनालाई महालक्ष्मी नगरपालिकाको आईसोलेसन अस्पतालमा राखीएको यहाँले वताउनुभएको छ ।

यो सँगै अहिले सम्म धनकुटा जिल्लामा कोरोना संक्रमितको संख्या १ सय १६ जना पुगेको छ । ती मध्ये निको हुनेको संख्या ८२ रहेको भने अहिले १९ जना होमआईसोलेशन र ११ जना संस्थागत आईसोलेशनमा रहेका छन् ।

४ जना संक्रमितको मृत्यू भईसकेको छ । अहिले सम्म जिल्लाबाटै नमूना संकलन गरि यहाँका २ हजार ४ सय १५ जनाको कोरोना परिक्षण गरिएको छ ।