कांग्रेस नेता कृष्णकुमार राई संघीय फोरममा प्रवेश

काठमाडौं । नेपाली कांग्रेसका नेता डा कृष्णकुमार राई संघीय समाजवादी फोरम नेपालमा प्रवेश गरेका छन् । राईका साथमा माओवादी केन्द्रका नेता दिपक राई र स्वतन्त्र व्यक्ति तोयानाथ पौडेल समेत संघीय फोरममा प्रवेश गरेका छन् ।

संघीय समाजवादी फोरम नेपाल खोटाङ–काठमाडौ सम्पर्क समितिले शुक्रबार तिनकुनेस्थित पार्टी केन्द्रीय कार्यालयमा आयोजना गरेको कार्यक्रममा उनीहरु पार्टी प्रवेश गरेका हुन् ।

पार्टी प्रवेश गरेपछि चिकित्सक समेत रहेका डा राईले नेपाली कांग्रेसभित्र थैलोवाद र नातावाद हाबी भएको तथा पहिचान र न्यायको मुद्दा कांग्रेसले नबोकेकोले आपूmले कांग्रेस परित्याग गरी संघीय फोरममा प्रवेश गरेको बताए ।

पार्टी प्रवेश गरेका तीनै जनालाई पार्टीका वरिष्ठ नेता अशोक राईले अबिर लगाएर स्वागत गरेका छन् । साथै शुक्रबार नै उनीहरुलाई सदस्यता समेत प्रदान गरिएको छ ।

पार्टीका उपाध्यक्ष हेमराज राईले नवप्रवेशीहरुलाई सपथ ग्रहण गराएका छन् । कार्यक्रममा वरिष्ठ नेता राई र उपाध्यक्ष राईसहित राजनीतिक समिति सदस्य तथा महिला विभाग प्रमुख सुशीला श्रेष्ठ, केन्द्रीय सदस्य तथा संगठन विभाग सचिव ध्यानबहादुर राई, केन्द्रीय सदस्य देवराज राई, केन्द्रीय सदस्य योगराजन वानेम, समाजवादी युवा फोरमका उपमहासचिव दुर्गामणि सुवेदी, पार्टीको खोटाङ जिल्ला अध्यक्ष नवीन राई, आयोजक समितिका मोहनप्रसाद राई, डीबी सरोज, नेता नवराज गुरुङ लगायत नेताहरु उपस्थित थिए ।-सार्बजनिक पोष्ट