नेत्रविक्रम चन्दले फेरी नेकपा–माओवादी डुबाउदै

काठमाडौँ, १८ असार । नेकपा–माओवादीको आजदेखि सुरु भएको केन्द्रीय समितिको बैठकमा अध्यक्ष मोहन वैद्यले प्रस्तुत गर्नुभएको राजनीतिक प्रस्तावमाथि असहमति जनाउँदै सचिव नेत्रविक्रम चन्दले फरक प्रस्ताव प्रस्तुत गर्नुभएको छ ।

अध्यक्ष वैद्यले ‘जनयुद्धको जगमा जनविद्रोह’को कार्यदिशासहितको प्रस्ताव प्रस्तुत गर्नुभएकामा त्यसमा असहमति जनाउँदै सचिव चन्दले ‘जनयुद्धको निरन्तरतामा जनविद्रोह’को कार्यदिशाको प्रस्ताव पेस गर्नुभएको हो ।

माओवादी प्रवक्ता पम्फा भुसालले बैठकमा दुईवटा प्रस्ताव आएको स्वीकार गर्दै त्यसबारे छलफल सुरु भएको बताउनुभयो ।

उहाँले भन्नुभयो, “आजको बैठकमा अध्यक्ष वैद्यले राजनीतिक प्रस्तावको बारेमा व्याख्या गर्नुभयो, त्यस्तै सचिव चन्दले पनि छुट्टै प्रस्तावको व्याख्या गर्नुभयो ।”

आजको बैठकमा दुवैले आफ्नो प्रस्ताव व्याख्या गरिसकेपछि प्रस्ताव पढ्न केन्द्रीय सदस्यहरुलाई वितरण गरिएको थियो ।

अध्यक्ष वैद्यले तत्काल जनयुद्धमा जान नहुने, एमाओवादीसहितको मोर्चाबन्दी गर्दै गोलमेच सभामार्फत संविधान लेख्न दबाब दिन सडक आन्दोलनमा जानुपर्ने प्रस्ताव पेस गर्नुभएको छ ।

सचिव चन्दले भने बल प्रयोगबिना यथास्थितिमा जनताको मुक्ति सम्भव नभएको बताउँदै समानान्तर सरकार गठन गरी आवश्यकताअनुसार जनयुद्धमा जाने विकल्प खुल्ला राख्नुपर्ने प्रस्ताव राख्नुभएको छ ।

माओवादीको पदाधिकारीमा अध्यक्ष वैद्यको पक्षमा उपाध्यक्ष सिपी गजुरेल, महासचिव रामबहादुर थापा, सचिव देव गुरुङ उभिनुभएको छ भने चन्द एक्लो हुनुहन्छ ।

त्यस्तै १३ सदस्यीय माओवादी पोलिटव्युरोमा चन्दको पक्षमा खड्गबहादुर विश्वकर्मा एकजना मात्रै हुनुहुन्छ भने बाँकी सबै अध्यक्ष वैद्यको पक्षमा रहेका छन् ।

माओवादीको बैठक पुनः भोलि ११ बजे केन्द्रीय कार्यालय वुद्धनगरमा बस्ने प्रवक्ता भुसालले जानकारी दिनुभयो ।

Comments

comments

You must be logged in to post a comment Login

iMakeYourWebsite

Featured Links

    Search Archive

    Search by Date
    Search by Category
    Search with Google

    Photo Gallery

    © Everest Real Media Pvt. Ltd

    SEND US NEWS AT: nepaliSamachar@email.com

    Blog Traffic

    Pages

    Pages|Hits |Unique

    • Last 24 hours: 10,442
    • Last 7 days: 76,789
    • Last 30 days: 278,376
    • Online now: 36