मिस मंगोल २०१७ को ताज सिन्धुपाल्चोककी अनितालाई

 

काठमाडौ,२७ जेठ । अनिता तामाङले ३० जना प्रतिस्पर्धीलाई पछ्याउँदै मिस पाङचुअलको ताजसँगै मिस मंगोल २०१७ को बिजेता बनेकी छिन् ।

सिन्धुपाल्चोक जुगल गाउँपालिका –७ हयाङलाकोट स्थायी घर भइ काठमाडौ आरुबारीमा बस्दै अाएकी अनिताले सिङ्गो तामाङ समुदायको तर्फबाट प्रतिनिधित्व गर्दै मिस मंगोल २०१७ मा सहभागी भएका थिए ।

काठमाडौंको कमलादीस्थित नेपाल प्रज्ञाप्रतिष्ठानमा आज भएको फिनाल प्रतियोगिताको यस वर्ष काठमाडौं, धरान, बुटवल र पोखरामा अडिसन भएको थियो ।

एक्सन इन्टरटेनमेन्टको आयोजनामा हुँदै आएको मिस मंगोल नेपाल नयाँ शैली र ढाँचामा हुने भएको अायोजकले बताए । -सैलुंग अनलाइनबाट